Германската авио-компанија „Луфтханза“ до крајот на годинава ќе додели 29 илјади откази, пишува „Билд“. Надвор од Германија се очекува отпуштања на 20.000 работници, а компанијата ја продава и својата кетеринг единица ЛСГ, која има 7,5 илјади вработени.
На тој начин бројот на вработени во „Луфтханза“ ширум светот ќе се намали на 109.000.
Следната година во Германија ќе бидат укинати дополнително 10.000 работни места.
Компанијата веќе потрошила три до девет милијарди евра државна помош, која ја доби на почетокот на годината.
Извршниот директор на компанијата, изјави претходно дека „Луфтханза“ има вишок од 27.000 вработени со целосно работно време.
Во исто време, најавено е дека во следните 2 години германската железница треба да вработи 25.000 луѓе.
