Дејан Кулушевски, екс македонскиот младински репрезентативец и актуелен член на шведскиот национален тим, зборуваше за Златан Ибрахимовиќ, но ја спомена и Македонија.
Тој кажа дека Македонија за него е многу важна, но дека ја одбрал Шведска поради тоа што пораснал во таа земја.
„Македонија е многу важна за мене и моето семејство. Мојата мајка вели дека никогаш нема да заборавиме од каде се моите корени. Одам таму секое лето и ми се допаѓа. Отсекогаш сум велел кога би можел да играл и за Шведска и за Македонија, би го сторил тоа. Но, морав да бирам, и ја одбрав Шведска, затоа што пораснав таму. Подготвен сум да и помогнам на Шведска да избори пласман на Светското првенство“, рече Кулуишевски.
Инаку неговиот татко Стефан е роден во Шведска,но потекнува од Македонија, додека неговата мајка Катица е родена во Македонија каде што е израсната, но како полнолетна се преселува во Шведска.