Кремљ ги нарече рекетирање американските санкции против руските енергетски проекти

555

Напорите на американските законодавци за воведување санкции за руските енергетски проекти и банките се граничат со рекетирање, изјави портпаролот на Кремљ, Дмитриј Песков, коментирајќи го новиот закон во Конгресот на САД за санкции против Русија, пренесува ТАСС.

Според него, зад ваквите предлози апсолутно постои конкретен, прагматичен и агресивен трговски пристап, што нема никаква никаква врска со меѓународните трговски правила.

„Оваа политика понекогаш се граничи со рекетирање. Мислам на различни одредби од нацрт-законот со цел да се прекинат разните енергетски проекти на руските компании, поткопувајќи ги активностите на руските банки со државен удел”, истакна Песков.

Руската влада веќе презеде мерки за заштита на земјата од разни “рекетирачки напади” од САД, потврди портпаролот на Кремљ.

„Владата веќе создаде и усвои неколку ефикасни мерки за заштита од можните рекетирачки напади”, рече тој, одговарајќи на прашањето за влијанието на новите санкции од САД врз руската економија.