Италија се пласира во финалето на Европското првенство, елиминирајќи ја Шпанија по пенал рулетот на „Вембли“.
Леонардо Бонучи беше еден од стрелците во серијата пенали во завршницата. Дефанзивецот искусно го совлада Унаи Симон и учествуваше во големиот триумф на „аѕурите“.
По мечот 34-годишникот со голема страст славеше покрај италијанскиот дел на трибините. Комична ситуација се случи кога се обиде да се врати на теренот, бидејќи еден член од обезбедувањето не го препозна и му застана на патот.
Во второто полуфинале силите ќе ги одмерат Англија и Данска.
