Која е сопругата на Кристијан Ериксен? Сабрина не е типична жена на фудбалер

281

Драматичната сцена од завчерашниот натпревар помеѓу Данска и Финска го потресе целиот свет.

Имено, во текот на фудбалскиот натпревар, данскиот фудбалер Кристијан Ериксен одеднаш се сруши нa теренот, а снимките го обиколија светот.

Неговите соиграчи, но и играчите од противничкиот тим низ солзи ги гледаа драматичните моменти и докторите кои се обидуваа да му помогнат, додека од трибините на терен се обиде да влезе и неговата избраничка Сабрина Квист Јeнсен, која ја задржало обезбедувањето.

Следеше борба за животот на Ериксен, која навивачите и играчите во неверување и солзи ја гледаа, но благодарение на брзата реакција на лекарите, славниот фудбалер го напушти теренот свесен, а потоа беше пренесен во болница, каде продолжија со испитувањата и грижата за неговото здравје.

Меѓу бројните потресни фотографии од немилиот настан се најдоа и оние на кои е неговата избраничка, која во солзи се обидуваше да дојде до својот сопруг.

Која е Сабрина Квист Јeнсен?

Парот во 2016 година купил куќа во Хемстед, а како што претходно откриле за британските медиуми, не им било лесно да се адаптираат на новата средина.

„Мора да научите да се борите физички и ментално, но јас можам да го издржам притисокот и сите барања, затоа тоа што седум дена во неделата живеам за својата работа“, изјавил Кристијан и додал:

„Сето тоа е многу тешко за мојата девојка. Секако дека би сакал да можам да излезам во град со неа и со нашето друштво, но едноставно, тоа не се вклопува со играњето фудбал во Англија“, рекол Кристијан.

Сабрина не е една од типичните „сопруги на фудбалерите“ – таа се труди да живее мирен, семеен живот подалеку од очите на јавноста, па во медиумите ретко можеме да ја видиме, а ретки се ситуациите кога папараците успеваат да ги забележат нејзините излегувања во град со пријателите кои главно подразбираат мирни вечери во нивните омилени ресторани.

Сабрина и Кристијан ја започнале романсата во 2012 година, а пет години подоцна соопштиле во јавноста дека го очекуваат своето прво дете.

Во јуни 2018 година му посакаа добредојде на својот син, кој веднаш се стана центарот на нивниот свет, а славниот фудбалер на социјалните мрежи често споделува фотографии на кои покажува колку ужива во родителството и семејниот живот.

Парот кон крајот на минатата година со јавноста повторно сподели убави вести, кога на нивното семејство им се приклучи уште еден член.

Сабрина е родена во Данска каде завршила училиште за фризер, а потоа со Кристијан, поради неговите клупски обврски, се преселила во Лондон и започнала да работи за една модна куќа.

ФОТО: Инстаграм