Една од нашите најпопуларни и најуспешни манекенки со интернационална кариера, Катарина Ивановска, неодамна објави дека е повторно бремена.
Малиот Вања ќе си добие братче или сестриче, а мама ужива во блажената состојба која и дозволува да биде доста активна.
Таа заедно со партнерот и синчето или уживаат во викендицата на Маврово или пак се на некоја атрактивна дестинација покрај море.
Деновиве решија да дојдат во Скопје, а мама Кате се прошета по скопските улици облечена во тесни куси панталончиња и црна маичка во кои изгледа одлично.
Иако е кон средината на бременоста, Катарина очигледно се уште не качила некој килограм повеќе, туку напротив изгледа „бомбастично“.
Освен поновите фотографии на кои се гледа стомачето, мама и тато објавија и таква каде се заедно во еден скопски ресторан.
Каков ќе биде полот на бебенцето, засега е непознато, но независно дали ќе биде уште едно момче или пак Вања ќе добие дадичка, е сосема неважно бидејќи на радоста со доаѓањето на новиот член и нема крај.
