Претседателот на БЕСА, Билал Касами изрази сомневање дека изјавата која денеска на Фејсбук ја објави пратеникот на оваа партија, Кастриот Реџепи, е дадена против неговата волја, додавајќи дека додека самиот не се увери во неговиот став, не и верува.
„Не сум контактирал денеска со Реџепи. Имам право да се сомневам дека против своја волја е држен негде да не дојде во Собранието. Беса останува на ставот да биде срушена оваа власт, а овој момент со Реџепи е показател дека власта се обидува на секаков можен начин да остане во својата позиција“, порача Касами денеска пред Собранието.
