Како Путин ќе го решеше бродот кој заглави во суецкиот канал

Мина речиси една недела откако бродот “Ever Given” се заглави во Суецкиот канал и блокираше дел од светската економија. Социјалните мрежи се полни со коментари на таа тема, а последен хит е тој со Путин.

Драмата која траела во Суецкиот канал речиси една недела се ближи кон својот крај.

Во понеделникот наутро бродот “Ever Given” се придвижил, а каналот бил делумно ослободен. Уште се чека бродот да заплови и конечно да го напушти Суецкиот канал, како и стотината бродови кои чекаат да минат.

Во меѓувреме, корисниците на социјалните мрежи одлучиле да го извлечат најдоброто од најлошото и од се да создадат добар хумор. На пример, како би изгледало ако Путин и Русија се вклучат во извлекувањето на бродот.