Израел започна со воздушни напади во источен Либан

258

Израел рано денеска почна со воздушни напади во долината Бека во источен Либан, соопштија двајца либански официјални лица, пренесоа британските медиуми. Ова се случи неколку часа откако израелско беспилотно летало беше соборено над Либан.

Изворите рекоа дека израелскиот напад бил насочен кон камп за обука на милитантната група Хезболах во селото Јанта, во близина на границата со Сирија. Еден од нападите бил насочен кон градот Сафри, источниот град Баалбек.

Хезболах разменува прекуграничен оган со израелските сили од 8 октомври, еден ден откако Хамас го изврши нападот врз Израел, што ги ескалира регионалните тензии.

Групата поддржана од Иран ја презеде одговорноста за вчерашното соборување на израелското беспилотно летало.