Исповед на 29-годишна жена: „Открив дека мојот сопруг всушност има друга законска сопруга“

116

29-годишната Сузан, од Велика Британија, побарала совет од популарната британска новинарка Дидие, која важи за љубовен експерт. Сузан вели дека не може да го напушти својот сопруг, a oва е причината:

– „Мојот сопруг има две жени. Се омажив за него, бидејќи не можев да ја поднесам помислата да го напуштам, но тоа се одрази многу негативно за моите емоции. Јас имам 29 години и ние бевме во врска 2 години, пред да откријам дека тој всушност има друга жена, а и син. И двајцата сме по потекло од Германија, но живееме во Велика Британија.

Кога отворено зборував со него за другата жена, тој едноставно се расплака. Му реков дека видов еден мејл, насловен како „Господин и госпоѓа“, со нивните имиња и така открив сè.“- вели очајната жена.

Таа додава дека откако се соочила со нејзиниот сопруг и тој започнал да плаче, рекол дека стапил во брак со другата сопруга уште кога живеел во Германија, но и се обидел да ја убеди Сузан, дека не ја сакал другата жена.

-„Ми рече дека ме сака мене. Го прифатив назад, бидејќи сакав да му дадам последна шанса. Стапивме во брак пред 6 месеци и од неодамна му соопштив на моето семејство дека ќе правиме свадба, кое не беше воопшто воодушевено. Притоа рече дека би сакал да не се зборува јавно за мене и нашиот брак, особено дека сè уште не е спремен да зборува и да се разведе од неговата прва сопруга. Тоа ме загрижува многу. Јас не сакам нашата љубов да биде тајна.“- вели Сузан.

Советот кој го добила од љубовниот експерт е дека таа никогаш нема да биде среќна во ваков љубовен однос, кој се граничи со пеколен однос. Мажот можеби навистина не ја сака првата сопруга, но малку веројатно е и да ја сака и почитува Сузан, штом сака нивниот брак да биде тајност.