Со денови во Србија и регионот се зборува за приказните за празните пликоа на свадба, кои за жал се се почеста појава денес. Токму поради оваа приказна се јави 27-годишната Милена С. од Србија и за српскиот Курир ја раскажа својата приказна.
Таа еднаш предала празен коверт на свадба.
– Кога се запишав на факултет во Белград не ми остануваа пари. Секогаш сметките, родендените, подароците ги планирав месеци однапред, а тогаш колега од факултет реши да се жени. Сакав да се извлечам, да не одам, но настојуваше. И сестра ми се запиша на факултет тогаш, беше навистина финансиски тежок перидо за нас. Не можев да им плачам на моите, а и ми беше срам да се позајмувам, вели Милена.
Девојката додава дека сепак се решила да позајми пари од блиска другарка со која биле заедно на свадба, па таа носела плико, а другарката требала да понесе пари. Кога седнале во такси и тргнале кон хотелот, таа и рекла дека парите ги заборавила дома.
Со оглед на тоа дека пликото било потпишано, од тогаш вели дека пријателите не и се јавиле, иако сакала подоцна да им објасни зошто така се случило и да им купи вистински подарок.
