Илон Маск, еден од најбогатите луѓе на светот, како гостин-водител на американското телевизиско шоу “Saturday Night Live” изјавил дека има Аспергеров синдром.
Во воведното обраќање до гледачите порачал дека е прво со лице со Аспергеров синдром кое го води ова шоу, но тоа не е точно.
Имено, канадскиот актер Ден Ејкројд во 2003-та година бил првиот гостин-водител на шоуто со овој синдром, а кој притоа отворено зборувал за тоа, пренесува американскиот весник “Daily Beast”.
Остатокот од обраќањето Маск го искористил да се пошегува на сметка на својот статус, како и на својата фасцинираност од криптовалутата “Dogecoin”.
Аспергеровиот синдром инаку е состојба од аутистичен спектар, која не е поврзана со социјални потешкотии. Некои експерти предлагаат вработување на лица со овој синдром, бидејќи можат да остварат успех во технологијата, претприемништвото и други работи за кои се потребни аналитички вештини.
Списанието “Forbes” богатството на Маск го проценило на 166 милијари долари. Поголем дел од богатството остварил со косопствеништвото во компанијата “Tesla” и целосната сопственост над компанијата “Space X”.
Тој не е првиот милијардер кој бил водител на шоуто “Saturday Night Live”. Пред него во оваа улога биле поранешниот претседател Доналд Трамп, водителката Опра Винфри и екс-кошаркарот Мајкл Џордан.
