Левиот бек на Вардар, Сергеј Горбок имаше операција на коленото во Загреб кој мина во најдобар ред, соопштија „црвено-црните“ на клупскиот сајт.
На почетокот на месецов Горбок на тренинг го повреди коленото, а потоа беше утврдено дека се работи за предните вкрстени лигаменти.
Горбок од Загреб треба да се врати во Скопје, каде во следните неколку месеци ќе трае процесот на рехабилитација.
Во Вардар се надеваат дека нивниот играч ќе биде во составот во завршницата од сезоната.
