Google Maps ќе покажува каде има најмногу заразени со COVID-19

1231

Google најави ажурирање на апликацијата Google Maps, а иновацијата ќе подразбира дека наскоро ќе можеме да видиме во кои области на мапата има најмногу заразени со коронавирус.

Функцијата стигна во Google Maps денеска, а наскоро би требало да биде достапна во 220 земји ширум светот.

Податоците ќе бидат прикажувани како црвени точки – што поцрвени, толку поголем број на заразени на 100.000 жители.

Некаде податоците ќе бидат толку прецизни што ќе можеме да видиме и колку заразени има во одредени делови од градот, но сето тоа ќе зависи од тоа колку податоци Google ќе успее да собере за секоја територија, објави Tech Radar.

Податоците ќе пристигнуваат од бројни извори, како болницата Џонс Хопкинс, Wikipedia или The New York Times, а тие податоците ги објавуваат и ажурираат согласно информациите што ги добиваат од локалните и меѓународните здравствени организации и служби.

Станува збор за истите податоци кои Google веќе ги користи кога прикажува најважни информации за пандемијата со COVID-19 кога ќе го отворите пребарувачот.

ПОВРЗАНИ НАПИСИПОВЕЌЕ ОД АВТОРОТ