Георгиевски до Мицкоски: Дај му два гласа на Заев за БЕСА да не го уценува

0
70

Поранешниот премиер и лидер на ВМРО-ДПМНЕ, Љубчо Георгиевски испрати совет до неговата поранешна партија и лидерот Христијан Мицкоски, околу целата ситуација со уставните измени.

„ВМРО-ДПМНЕ мора да стане државотворна партија во овој момент. Еве, јавно ќе дадам еден совет, кој не сум го пратил тајно на никого во ВМРО-ДПМНЕ. Сега имаме уцена од оние двајца пратеници на Беса, за да се избрише придавката „македонско“. Замислете, Заев да е во таква ситуација, да треба да попушти и таа да се избрише, само за да помине Договорот со Грција? И што сега? ВМРО-ДПМНЕ и други патриотски партии ќе бидат среќни со тоа? Јас не би бил среќен. Во овој момент таа ситуација би била еден добар мост за да се каже: „Еве, вие покажавте дека сте неспособни да организирате 80 пратеници, ние свесно ви даваме двајца, само Македонија да не прави нови отстапки во Договорот со Грција“, јавно и сугерираше Љубчо Георгиевски на ВМРО-ДПМНЕ, во интервју на ТВ „24“.

ОСТАВЕТЕ ОДГОВОР

Please enter your comment!
Please enter your name here