Ако во лето на социјалните мрежи изобилуваат фотографии од плажа, месец јануари е периодот кога изгледа како буквално секој да заминал на зимување на планина.
Снежната белина е во прв план, а најчеста дестинација на познатите Македонци е Банско во Бугарија, но не е исклучено ниту нашето убаво Маврово и Попова Шапка.
Скијањето не е спортска активност за која е создаден секого, но оние вештите кои притоа се и големи љубители, не се симнуваат од скиите, интензивирајќи го адерналинот.
Пејачката Сузана Гавазова заедно со сопругот и ќерките моментално е во Банско каде е препуштена на комплетно уживање, ослободена од сите обврски, мисли, па дури и од шминката…
Облечена во скијачка спортска опрема, Сузе покажа дека е опасна жена и додека скија и доминира на патеката.
Сопругот Јасмин е таму за тоа да го долови со камера, а ќерките да ја бодрат мама за уште едно спуштање…
Вечерта пак, тука се многуте барови и ресторани, каде пејачката во романтична атмосфера и храна го завршува исполнетиот ден со саканиот.
Ако се уште не сте испланирале каде и кога ќе го поминете вашиот зимски одмор, веруваме дека многуте фотографии од планинските предели ќе ве мотивираат да ја направите својата агенда што побрзо.
