Откако Македонија утрово со тага ја прими веста за смртта на рокерската икона Влатко Илиевски, македонската музичка естрада започна емотивно да се простува од пејачот.
Легендарната група Нокаут преку социјалните мрежи напиша дека денеска е тажен ден.
Нина Јанева исто така со фотографија му посака да лета високо на крилјата на рокенролот, додека Влатко Лозановски преку својот Инстаграм со фотографија од Илиевски му искажа последно збогум.
Сочувство изрази и виолинистот Зоран Џорлев.
