Откако поради коронавирусот мораше да ја одложи венчавката, Џенифер Лопез наиде на низа проблеми.
Како што пренесува „E!News“, Лопез поради фотографија на Инстаграм би можела да заврши на суд.
Според документите кои ги собрал споменатиот портал, њујоршкиот фотограф Стив Сандс ја тужел пејачката и нејзината компанија „Nuyorican Productions“ поради авторски права.
Поради кршење на правата, ќе мора да плати отштета во износ од 150.000 долари.
Сандс истакнал дека Лопез користела негова фотографија за да се промовира себе и својот бренд на Инстаграм, каде ја следат 119 милиони корисници, а не побарала дозвола од него.
Фотографијата е направена во 2017-та година, а објавена е во јуни истата година. Фотографијата која го прикажува само лицето на Џенифер собрала повеќе од половина милион лајкови.
Џенифер сè уште не ја отстранила фотографијата од профилот, ниту се огласила по повод овој инцидент.
