Доктор Андон Чибишев на ФБ-статус истакна загриженост поради информацијата дека во парк во Скопје е пронајдена расфрлана салама со бела прашкаста материја.
Од институтот за судска медицина и криминалистика е докажано дека се работи за пестицидот МЕТОМИЛ или во пракса познат како ЛАНАТЕ.
Докторот оценува дека овој опасен отров може да доведе до страшна трагедија доколку дојде во контакт со човекот:
„Силно ме вознемири и загржи веста која ја пренесоа медиумите дека деца играјќи си во парк на територија на Скопје пронашле расфрлана салама која била премачкана со бела прашкаста материја.
Примероците од таа салама биле однесени во Институтот за судска медицина и криминалистика каде е докажано дека се работи за пестицидот МЕТОМИЛ или во пракса познат како ЛАНАТЕ.
Метомилот е карбаматен инсектицид кој наоѓа своја примена во земјоделието. За жал некои несовесни и бесчувствителни наши сограѓани го користат за труење на бездомните кучиња и мачки.
Се работи за исклучително моќен и опасен отров кој убива за кратко време. Внесен во организмот предизвикува гадење, повраќање, пролив, потење, отежнато дишење, стегање во градите,стомачни болки,нарушување на свеста.
Обично смртта настанува заради парализа на респираторниот и другите витални центри, при што настанува тешко пореметување на дишењето и работата на срцето“.
ВАКА РАСФРЛАНАТА САЛАМА ОД ЉУБОПИТНОСТ МОЖЕ ДА ЈА ИЗЕДЕ И НЕКОЕ ДЕТЕ.
ЗАТОА КРАЈНО ВРЕМЕ Е ИНСИТУЦИИТЕ НА ДРЖАВАТА БЕЗ МИЛОСТ ДА ГИ САНКЦИОНИРААТ ВАКВИТЕ НЕСОВЕСНИ ГРАЃАНИ ДОДЕКА НЕ СЕ СЛУЧИЛА НЕКОЈА ТРАГЕДИЈА
