Директорот на затворот Шутка ќе поднесе оставка

656

Директорот на КПУ „Скопје“ Ѓоко Котевски денеска изјави дека го прифаќа барањето на премиерот Зоран Заев и ќе поднесе оставка по вчерашните инциденти во затворот.

-Јас сум одговорен човек и пропфесионалец во службата и кога службата ќе потфрли логично е од професионални и морални причини да се поднесе оставка. Од досегашната истрага утврдени се пропусти и непочитување на стандардните безбедносни протоколи во службата за обезбедување на затворот во Скопје. Одговорноста за тоа ја преземам јас, рече Котевски во изјава за медиумите пред КПУ „Скопје“.Премиерот Заев денеска побара оставка од Котевски по вчерашните два инцидента во дворот во затворот во кои учествуваа поранешните министри Миле Јанакиески и Спиро Ристовски. Заев го осуди чинот и наведе дека без разлика кој е виновен за инцидентите директот треба да понесе одговорност.