Чистачка во Конзулатот на Бугарија во Битола интервјуирала кандидати за бугарско државјанство, а ова денеска ја бранува бугарската јавност. Марија Габриел за ова одговараше пред пратениците, а наодите за ваков прекршок доаѓаат од пратеникот Ангел Георгиев од партијата „Преродба“.
Објаснувајќи ги како „Застрашувачки прекршоци во нашиот конзулат во Битола“ пратеникот од партијата „Преродба“ упати сериозни обвинувања до внатрешната министерка во оставка Марија Габриел од ГЕРБ.
„Сериозни нерегуларности“
Пратеникот Ангел Георгиев објави дека вработената Весна Котевска била назначена за хигиеничар, но извршувала разговори со кандидати за бугарско државјанство. Георгиев наведува дека се извршени сериозни нерегуларности.
Габриел негира дека има докази
Марија Габриел назначила увид во дејноста на конзуларната служба која покажала системски прекршувања.
Нашиот прв дипломат објасни дека повеќе нема пристап до архивата и конзуларното претставништво. Немаше докази дека таа правела интервјуа за бугарско државјанство. Сепак, откриените прекршувања се недозволиви, категорично изјави Марија Габриел.
Можни санкции за хигиеничарката и надлежните
Засега се очекува да се потврди оваа вест. Во случај да е точна би следувале санкции.
За веста се огласија и од бугарското национално радио. Оттаму велат дека извештајот од контролата во Кознултатот во Битола е испратен до Иснпекторатот на Министерството за правда.
Инаку, Марија Габриел се очекува повторно да ја преземе премиерската функција како резултат на промената на 9 месеци со коалиционите партнери.
