Доколку сте љубители на богатите десерти, ова е вистинскиот чизкејк за вас.
Лесно се подготвува, но „не е лесен“ поради тоа што содржи многубројни вкусни и калорични состојки.
Состојки:
– 240 грама суви чоколадни бисквити;
– осум лажици путер;
– лажица и половина инстант кафе;
– 200 грама темно чоколадо;
– 600 грама крем сирење;
– 200 грама шеќер;
– 2 лажици какао во прав;
– една ќесичка екстракт од ванила;
– 200 милилитри павлака за готвење.
Подготовка:
Во блендер измелете ги бисквитите и добро измешајте ги со путерот и половина лажичка инстант кафе. Распоредете ја добиената смеса на плех со дебелина околу еден центиметар, па ставете ја во замрзнувач.
Во поголем сад, стопете го чоколадото и ставете го внатре остатокот од кафето. Со миксер изматете го шеќерот, какаото, ванилата, павлаката и крем сирењето, додека не добиете соединета смеса, а потоа внимателно измешајте ја смесата со стопеното чоколадо.
Извадете ја кората од замрзнувач и над неа ставете го добиениот фил.
Чизкејкот чувајте го во фрижидер најмалку четири часа. По желба украсете со рендано чоколадо.
Пријатно јадење!
