На 26-ти април 1986 година, 190 тони високо радиоактивен материјал бил исфрлен во атмосферата од нуклеарната електрана Чернобил на северот на Украина, каде некогаш населениот град Припјат сега е град на духови, изложувајќи ги луѓето на радиоактивност 90 пати поголема од атомската бомба фрлена на Хирошима.
Чернобилската зона денес е единствена област, воглавно покриена со густа вегетација и населена со стотина животински видови, вклучувајќи ги и оние кои се наведени во Црвената книга.
Според новото истражување објавено во списанието “Current Biology”, во зоната на природниот резерват, која се протега северно од електраната Чернобил, во резерватот Полесија има голем број на лосови, елени, диви свињи и волци.
