Брестовац: Верувам дека ќе бидеме подобри во пресметката со Египет!

77

Македонската национална селекција беше максимално надиграна на отворањето од ракометниот Мундијал во Египет, со оглед што загуби со двоцифрена негатива во пресметката со Шведска (20-32).

Жолто-црвените беа максимално надиграни, нешто што го признава и селекторот на нашата репрезентација, Данило Брестовац.

„Швеѓаните беа подобри во текот на целиот меч, особено во ситуациите ‘еден на еден’ и целосно ја заслужи победата, на што им честитам. Но, се надевам дека ќе се сретнеме во понатамошниот дел од шампионатот. Засега немаме проблеми од организациски аспект, мерките што се преземаат се сосема во ред. Очекувам да играме подобро против Египет, ќе се подготвиме добро за тој меч и се надевам на добар резултат“, изјави Брестовац.

Македонија со домаќинот на Светското првенство (СП) ќе се сретне утре со почеток во 18 часот.