Американската федерална администрација за воздушен сообраќај издаде предупредување за авионите од типот „боинг 777“.
До тоа дојде откако на еден од авионите му откажа моторот, а делови од него паѓаа во населено место во Денвер , Колорадо. Исто така, наредена е итна инспекција на овој тип авиони.
Ројтерс наведува дека началникот на Агенцијата, Стив Диксон, соопштил дека директивата се однесува на авиони опремени со мотори „Прат Витни PW 4000“ и најави дека по инспекцијата авионите се „полвлечени од употреба“.
Истата порака ја издаде и компанијата „Боинг“, а во Јапонија овие авиони се повлечени на неопределено.
Компанијата „Јунајтед ерлајнс“ соопшти дека во следните денови доброволно ќе ја суспендира употребата на своите 24 авиони од овој тип.
„Боинг“ соопшти дека во моментот 69 авиони со таков мотор се во употреба, а 59 се приземјени во хангари.
