Во последната емисија на „Ѕвездите на Гранд“ настапуваа неколку македонски претставници кои поминаа во следниот круг.
Една од нив беше и некогашната победничка на „Неки нови клинци“, Благица Ѕунѕуровска од Скопје која беше во дуел со Филип Јовановиќ.
Благица се претстави со песните „Збуњена“ и „Горка храброст“. По нејзината интерпретација таа доби вкупно три гласа од жирито.
ФОТО: ПРИНТСКРИН/ЈУТУБ/ЗВЕЗДЕ ГРАНДА
Веднаш се огласи и Саша Поповиќ кој истакна дека на Благица и се јавиле два, три дена пред снимањето бидејќи една македонска кандидатка се откажала и дека Ѕунѕуровска немала воопшто време да се подгтвува со својот ментор.
ФОТО: ИНСТАГРАМ
Марија Шерифовиќ истакна дека штом Благица ја вратиле на „3,4“ тогаш заслужува да оди во следниот круг.
Карлеуша прокоментира дека Благица е преслатка, но дека опасно пее.
„Благице, ти си слатка, симпатична, но кога пееш ти си опасна ѕверка. Јас ти дадов глас поради бруталниот талент , енергијата и ѕверскиот поглед и те молам направи успех во оваа работа бидејќи ти си ѕверка“, истакна Карлеуша.
Поповиќ беше кој треба да одлучи дали Ѕунѕуровска ќе оди понатаму, така да тој го даде својот глас и ќе имаме прилика македонската кандидатка да ја гледаме во некои од следните емисии.
ФОТО: ПРИНТСКРИН/ЈУТУБ/ЗВЕЗДЕ ГРАНДА
Нејзиниот настап може да го погледнете во видеото подолу на 1:27:44
