Медиумите од соседството на големо пишуваат за синоќешните протести и полициската бруталност која следуваше пред македонското Собрание. „Бруталност на македонската полиција: Тепаат жени, деца и постари граѓани“, „Крвава вечер во Скопје“, „Драматични сцени: Полицијата со шок бомби и солзавец против демонстрантите“ се само дел од насловите со кои медиумите ја пренесуваат синоќешната атмосфера од главниот град.
– Македонската полиција применува солзавец и брутална сила над демонстрантите пред Собранието кои се излезени да го искажат својот револт од потпишувањето на договорот со Грција за промена на името, пишува Ин4с.нет и додаваат дека полицајците не бирале кого напаѓаат, па од нивната бруталност настрадале и жени, деца и повозрасни граѓани.
