Петар Грашо и неговата избраничка Хана Хуљиќ на 19 февруари ќе го кажат судбоносното „да“. Малку порано од првично планираното.
Пејачот Петар Грашо и неговата 14 години помлада девојка Хана Хуљиќ ќе го кажат судбоносното „да“ на 19 февруари во Сплит, пишува „Индекс.хр“. Иако нивната венчавка првично беше планирана за пролет, парот решил малку да ги забрза работите.
Имено, свечената свадбена церемонија ќе се одржи во црквата Свети Франциско во Сплит, на која ќе присуствуваат само најблиските членови на семејството и пријателите, а на списокот на гости ќе се најдат и некои од познатите имиња од Балканската сцена.
Инаку, кума на Хана ќе биде нејзината добра пријателка Доменика Жувел.
Наодамна медиумите објавија дека тие двајца ќе станат родители, а радосната вест ја потврди и идната мајка.
