За време на викендот се бележи намалување на бројот на новопримени пациенти во сите болнички установи во Скопје и ширум државата споредено со крајот на минатата недела, информира денеска министерот за здравство Венко Филипче.
Тој вели дека иако има тренд на намалување, се уште се внимателни и будно ја следат ситуацијата.
– Има доволен капацитет слободни болнички кревети, се уште трае системот на ротација, координацијата во врска со приемите на пациенти помеѓу институциите, како во Скопје така и меѓу останатите болници и скопските, така што во таа смисла верувам дека трендот ќе продолжи, рече Филипче.
Тој посочи дека денешната бројка на новодијагностицирани е околу 300 но како што истакна тоа е секогаш случај во понеделник бидејќи во недела се прават помал број тестирања. Според Филипче утрешниот број би требало да даде јасна слика дали тренд на намалување на новодијагностицирани што беше и траеше во текот на изминатата недела ќе продолжи.
