Серија земјотреси го тресеше тлото ноќва во мавровскиот регион. Последниот, најсилен беше во 7.44 часот од 3,6 степени според Европската макросеизмичка скала.
Малкумина мештани и туристи ја преспаа ноќва. Серија посилни и помлаки земјотреси регистрираа сеизмолошките опсерватории во регионот. Сите беа со епицентар во Маврово, на длабочина од еден до два километри.
Најпрво послаб земјотрес се почувствува вчера во 21.03 часот. После полноќ тлото се тресеше цела ноќ. Првиот беше регистриран во 1.36 часот со магнитуда од 3,2 степени, по што следуваа уште два земјотреса во 2.29 и 2.49 часот со магнитуди од 2,8 и 2,7 степени според Европската макросеизмичка скала. Потоа имаше серија послаби земјотреси, за да утрово се регистрира најсилниот денеска од 3,6 степени.
