Женскиот фудбалски клуб Љуботен на социјалните мрежи се пофали дека ангажирале ново засилување, станува збор за 22 годишната Ана Беатриз Тарантино, која е позната како Роналдиња.
Ана Беатриз Тарантино ќе биде првата Бразилка во македонскиот женски фудбал. ЖФК Љуботен денеска на социјалните мрежи се пофали дека потпишале со 22-годишната фудбалерка која игра во нападот.
Популарната Роналдиња ќе го засили клубот од Тетово во јануарскиот преоден рок.
„Чест и задоволство ни е да ви ја претставиме првата Бразилска фудбалерка во Прва Македонска Фудбалска лига за жени Ана Беатриз Тарантино со уметничко име Роналдиња, која е поранешен член на Васко де Гама, и доскорешен член на ФФК Фордерланд од Австрија. Роналдиња ќе преставува капитално засилување во остварување на целта!“ – гласеше известувањето.
