Најмалку 89 луѓе загинаа, а речиси 1.000 се повредени при земјотресот кој го погоди турскиот град Измир, и најмалку два грчки острова
Спасувачките тимови во Турција денес извадија две девојчиња од по урнатините, три дена откако силен земјотрес во Егејското Море ги стресе Турција и Грција.
Четиринаесетгодишната Идил Сирин била заглавена под урнатините 58 часа. Седум часа подоцна била извадена и 3-годишната Елиф Перинчек, чија мајка и две сестри биле спасени два дена претходно.
Досега има 106 лица извадени живи од под урнатите згради, според државната информативна агенција „Анадолу“.
Најмалку 89 луѓе загинаа, а речиси 1.000 се повредени при земјотресот кој го погоди турскиот град Измир, и најмалку два грчки острова, каде двајца ученици го загубија животот.
