Стојанче Стоилов беше лидер на Вардар во победата над Флензбург (31-26) во Лигата на шампионите и забележа рекордна вечер – бројка од осум гола на една средба, што за него е рекорд во елитата.
Македонската „балерина“, како што коментаторите на ЕХФ милуваат да ја наречат, одигра феноменална средба за паметење. Даде осум гола од вкупно десет обида, а некои од нив беа навистина перфектни. Посебно ќе се памети „шраубата“, а нема да е изненадување ако таа е гол на колото во ЛШ.
- Сите голови на Столе Стоилов против Флензбург:
Доскорешниот рекорд во ЛШ на Столе Стоилов изнесуваше седум гола, на дуелот против Монпелје во февруари. Покрај за Вардар, тој има настапи во елитата и со тимот на Металург.
Триумфот над Флензбург за Вардар беше прв во новата сезона, по стартниот минимален пораз од Мешков Брест како гостин.
МОЖЕ ДА ВЕ ИНТЕРЕСИРА:
