На Lamborghini им беа потребни само две години за да произведе 10 илјади примероци на Urus, со што на најдобар можен начин е потврдена одлуката на менаџменотот за компанијата да започне да произведува SUV возила.
Од компанијата соопштија дека јубилејниот примерок е наменет за купувач од Русија, а новиот сопственик ќе го добие со “Nero Noctis Matt” црна боја. Автомобилот е опремен и со специјален пакет кој вклучува компоненти од јаглеородни влакна.
Инаку, Lamborghini Urus на пазарот пристигна во декември 2017-та година, а од компанијата не криеја дека џипот е наменет со цел да ја подигне продажбата на автомобили во компанијата.
Веќе во 2019-та година беа испорачани речиси 5 илјади примероци и тогаш тоа беше 61% од вкупната продажба на Lamborghini.
Се очекува оваа година да биде уште поуспешна, затоа што и покрај кризата со пандемијата на коронавирусот, досега се продадени над 3 илјади примероци. Доколку ваквиот тренд продолжи, Lamborghini може до крајот на годината да ја надмине бројката од 6 илјади продадени примероци.
