На делфините во Австралија им недостасувале луѓето кои биле во карантин поради пандемијата на коронавирусот, а сега им носат различни подароци од морето.
Делфините се познати по своите социјални и комуникациски вештини и се сметаат за втор најинтелигентен вид, веднаш по луѓето. Јатото делфини уште еднаш го докажале тоа со носењето на подароци во вид на благодарност кон волонтерите кои ги хранат. Делфините започнале да им носат подароци од морето во вид на школки, корали, парчиња дрво, изгубени очила за сонце, шишиња и слично.
Волонтерката Лин Мекферсон тврди дека со ваквото однесување животните покажуваат колку им недостасувале луѓето и нивното внимание.
Делфинот Мистик е најактивен – тој им носи десетина подароци дневно, а за возврат како и останатите добива риба.
