Бурата „Киара“ продолжи да се движи денес кон југот на Европа, а ветерот на Корзика утринава достигна 220 километри на час.
Во регионите на југот на Франција, брзината на ветрот достигна 100 до 130 километри на час, додека на самите брегови брзината исто така се движи околу 100 километри на час.
Метеоролозите најавија дека ветерот подоцна во текот на денот ќе ја намали брзината.
Стотици летови се откажани, а исто така се забележани и откажувања во железничкиот сообраќај. Се проценува дека неколку илјади семејства се без електрична енергија. Кон крајот на денот во овие региони се очекува бурата да го намали интензитетот.
