Човекот кој во минатото имаше клучна улога во пробивањето на Пол Погба на големата фудбалска сцена, Франк Сале, смета дека Погба има еден голем проблем каде и да игра.
Франк Сале смета дека Погба каде и да настапува, има проблеми со тренерите кои се со доста силен карактер, така бил примерот со Алекс Фергусон во минатото, па и со Жозе Мурињо подоцна.
„Доколку Погба има тренер со силен карактер околу него, секогаш каде и да настапува ќе има конфликти. Тој имаше проблем со Алекс Фергусон во минатото, подоцна и со Жозе. Кога тој ќе каже дека заминува, тогаш навистина заминува“.
„Доколку утре тој премине во голем клуб каков што е Реал Мадрид, и таму ќе има конфликт, дури и со еден Зине дин Зидан. Мислам дека бара нов предизвик, тоа е очигледно. Го гледам како го напушта Јунајтед за друг голем клуб“, истакна Франк Сале.
