Младиот српски талент Ален Смаилагиќ доби шанса да заигра во екипата на Голден Стејт која учествува на Летната лига во Калифорнија.
18-годишникот помина 13 минути на паркетот и не пропушти шанса да биде забележан. Неговото забивање беше најатрактивниот потег во поразот против Лос Анџелес Лејкерс.
Србинот без никаква почит за противникот тргна кон кошот и на атрактивен начин ги реализираше своите први поени.
Се работи за кошаркар кој ја започна кариерата во КК Беко од Белград, а минатата сезона настапи за Санта Круз Вориорс, развојната екипа на „воините“.
