Иако претходно беше најавено дека доаѓањето на Вардар ќе биде во вечерните часови, претпладнево беше лиферувана нова информација според која европските ракометни шампиони ќе слетаат во Скопје во 16.15 часот.
Но, на сајтот на скопскиот аеродром, летот во 16.15 часот кој доаѓа од Келн, а е од компанијата „Астра ерлајнс“ – има статус на откажан.
Редакцијата на „Дерби“ се обрати за информација, но добивме одговор дека аеродромот не е организатор на патувањето и дека за детали од истото треба да се обратиме во управата на клубот. Новите детали ќе бидат соопштени веднаш штом бидат официјализирани од сите страни.
