Манчестер Сити повторно не успеа да ја помине четвртфиналната пречка во Лигата на шампионите и покрај големите инвестиции последните сезони.
Во една од најголемите драми во историјата на елитното натпреварување, Сити победи со 4-3, но тоа не беше доволно за пласман меѓу четирите најдобри. Да биде уште поинтересно се погрижи ВАР бидејќи во 94. минута Рахим Стерлинг постигна гол за конечна победа, но тој беше поништен на сугестија од ВАР собата поради офсајд.
Претходно, во првите 12 минути беа постигнати четири гола за 2-2, Сити водеше на полувреме, имаше дури и 4-2, но Љоренте го однесе Тотенхем во полуфиналето.
Во вториот дуел од вечерашната програма, Ливерпул рутински го реши Порто со 4-1. По еден гол постигнаа Мане, Салах, Фирмино и Ван Дајк и премиерлигашот си закажа двомеч со Барселона.
