Министерот за надворешни работи, Никола Димитров во вечерашното гостување на телевизија Телма рече дека Македонија ќе влезе во НАТО со новото име, а еден од условите во поканата кој ќе треба да се исполнат до конечното членство, ќе биде целосна имплементација на Договорот со Грција.
-Во спогодбата сите овие процеси се вградени во имплементацијата. На Самитот сите земји членки ќе донесат одлука за испраќање покана за членство, а секогаш има услови што земјата што се кани треба да ги спроведе до членството и во тие услови ќе се предвиди и делот што нас ни преостанува од имплементацијата на договорот со Грција. Ние ќе влеземе во НАТО под новото име Република Северна Македонија, рече Димитров.
