Обвинителите сметаат дека Ел Чапо бил првиот човек на картелот Синалоа за кој се верува дека е одговорен за криумчарење на повеќе од половина од вкупната количина на дрога преку американско-мексиканската граница.
Откако неговите 7-годишни ќерки се појавиле на судењето, озлогласениот лидер на еден од најопасните нарко картели – Хоагин Ел Чапо Гузман, се расплака во њујоршката судница каде му се суди за 17 точки од обвинението, меѓу кои и за криумчарење на дрога, убиство и перење на пари.
Во судницата пристигнала и сопругата на Ел Чапо, 29-годишната Ема Коронел Аиспуро, како и близначките кои што го поздравиле својот татко.
Според експертите, таа сцена би требала да го „хуманизира“ озлогласениот нарко бос и целта на емотивната сцена била да си поигра со чувствата на поротата. Сопругата и ќерките се единствените од семејството на Ел Чапо кои што имаат право да го посетат лидерот на картелот Синалоа после неговата екстрадиција во САД. Неговите ќерки го посетиле и во затворот каде што е во изолација.
Ел Чапо е поранешен лидер на картелот Синалоа, еден од најмоќните картели во Мексико кој што е одговорен за криумчарење на повеќе од половина од вкупната количина на дрога која што влегла на територијата на Соединетите Американски Држави.
Тој меѓу другото е обвинет за криумчарење на дрога, убиства, киднапирање и перење на пари, а се верува дека за време на неговото „владеење“ како прв нарко-бос во Мексико, заработил повеќе од милијарда долари.
Неговата сопруга и натаму е активна на социјалните мрежи, каде што често објавува фотографии.
