Поранешниот директор на УБК Сашо Мијалков, обвинет за повеќе предмети од страна на специјалното јавно обвинителство, денеска во судот од затворот во Шуто Оризари беше спроведен во придружба на 3 џипови полни со специјалци во маскирна униформа вооружени со долги цевки.
Возилото во кое се наоѓаше притворениот Мијалков влезе директно во гаражата од задниот дел на кривичниот суд. Мијалков денеска ќе присуствува на рочиштето за „Трезор“ , кое е и прво рочиште откако минатиот вторник, на 20 ноември, од хотелот „Мериот“ беше приведен во истражниот затвор во Шуто Оризари.
На обвинетиот Мијалков одреден му е 30-дневен притвор за што преку адвокатите упатија жалба по која утре или наредната недела најверојатно ќе биде закажана јавна седница во Апелацискиот суд.
