Портпаролката на ЕУ, Маја Коцијанчич уште еднаш порача дека косовската влада треба веднаш да ја повлече одлуката за подигање даноци на стоката од Србија и Босна и Херцеговина. Коцијанчич истакна дека ЕУ е запознаена со денешните оставки на четворица градоначалници на српски општини.
Таа додаде дека уште на почетокот, ЕУ била јасна во ставот дека даноците од 100 проценти на стоки од Србија и БиХ е кршење на договорот со Цефта и Договорот за стабилизација и придржување меѓу ЕУ и Косово.
„Властите на Косово мораат веднаш да ја повлечат одлуката за овие мерки. Сите акции, мерки и изјави кои се провокативни и навредливи и не придонесуваат во целта за нормализација на односите“ порача Коцијанчич.
