Знаеме дека долгото седење не е здраво, но дали сте знаеле дека од седечкиот начин на живот може да ви настрада задникот?
Од премногу седење може да ви се јави таканаречена „глутеална амензија“, позната и како синдром на „мртов задник“.
Синдромот се развива кога мускулот од задникот глутеус медиус не е доволно ангажиран и со текот на времето ја губи својата функција. Уште една причина за да го активирате овој мускул е токму тоа што тој е главниот виновник за убаво обликуваниот затегнат задник.
Последиците од овој синдром (покрај спуштениот задник) се болка во лумбалниот дел од половината, колковите, колената, па дури и стапалата.
Доколку сакате да проверите дали страдате од овој синдром, пробајте го тестот на Тренделенбург, за кој мора да ја подигнете едната нога во воздух.
Ако карлицата ви падне во делот каде што ногата е подигната, би требало да се загрижите. Тоа значи дека глутеусот во тој дел на телото е послаб.
Клекнувањата, вежбите за глутеус, пешачењето и трчањето се само некои од начините на коишто можете да го активирате задникот и да не дозволите омилениот дел од телото да стане нефункционален.
