– САД сметаат дека поранешниот македонски премиер Никола Груевски кој бара политички азил во Унгарија треба да си ја отслужи затворската казна во својата земја, изјавил претставник на американскиот Стејт департмент за „Политико.еу“.
– Во правен и транспарентен процес Никола Груевски беше осуден од македонскиот суд за злоупотреби на служената должност и осуден на две години затвор. Пресудата беше потврдена и од други судски инстанци. Дополнително, Груевски е обвинет во уште четири кривични предемети. Ние сметаме дека судските постапки во Македонија треба да продолжат, а Никола Груевски да одговара пред македонскиот правосуден систем, вели претставникот Стејт департментот.
