Општината во месец февруари поставила опрема за безжичен интернет, што во Бибиње предизвикало гласини дека ‘општината во тајност, преку ноќ ја инсталирала опремата за 5G сигналот’.
Претходниве денови пишувавме за протестите и палењето на 5G телекомуникациските столбови во Велика Британија и Холандија што воглавно беше направено поради гласините дека токму таа мрежа има поврзаност со коронавирусот.
Нешто слично се случило во Хрватска. Во општината Бибиње, во Задарската жупанија, дошло до уништување на неодамна поставената wi-fi опрема која што ја финансирала Европската унија во рамките на проектот WiFi4EU.
Општината во месец февруари ја поставила опремата за безжичен пренос на интернет сигналот на неколку локации во тоа место.
Тоа неодамна довело до вандалски чин, во кој опремата е делумно оштетена, онаа која што била поставена на зградата на тамошниот спортски центар.
Уништената oпрема е дел од останатите опреми кои што се поставени на уште три места во градот, чија вкупна вредност е 15.000 евра.
