Шведска 34 години по атентатот на премиерот Улоф Палме соопшти дека го открила убиецот, ставајќи крај на една од најголемите мистерии во поновата историја на Европа.
Шведските обвинители тврдат дека станува збор за Стиг Енгстрем, кој изврши самоубиство во 2000 година.
Енгстрем бил меѓу сведоците на пукањето и дури тврдел дека се обидел да го оживее Палме.
Новинарот Томас Петерсон прв го истакна Енгстрем како главен осомничен и полицијата почна да го истражува 18 години по неговата смрт. Притоа било заклучено дека го убил Палме поради неговите левичарски ставови.
Палме беше застрелан во 1986 година кога се враќаше дома од кино, заедно со сопругата Лизбет.
