Премиерот Зоран Заев пред два дена најави дека ќе се врати српскиот јазик во училиштата во Македонија. Тоа го кажа по повод честитката на Свети Сава.
Бугарската вицепремиерка и министерка за надворешни работи, Екатерина Захариева ова го окарактеризира дека Скопје и натаму не ги раскинала врските со Белград и Москва.
„Враќањето на српскиот јазик во училиштата во Република Северна Македонија ги побива ставовите дека се прекинати врските со Србија и Русија“, изјавила Захариева за БТВ, пренесува БГНЕС.
Захариева вели дека „македонизмот е геополитичка идеја создадена од Белград и Москва“. Рече дека не е изненадена со одлуката за јазикот.
„Не сум изненадена од ваквата одлука на македонските власти. Враќањето на српскиот јазик во Северна Македонија, значи дека сите партии, без оглед на нивните политички разлики, се едногласни по ова прашања, исто како и за темата за односите со Бугарија“, вели Захариева.
