(Видео) Волците во беровско по пожарите се спуштија на нивите

Селото се наоѓа во областа Малешевија, во западниот дел на територијата на Општина Пехчево, од десната страна на реката Брегалница.

Димче Беќарски од село Умлена, кој утрово ја забележал појавата, вели дека по пожарите волците шетаат слободно и се закана за сточарите и нивниот добиток.

„Волкот го забележав утрово додека собирав „јонџа”. Стоеше мирно, бараше правец кон кој може да се упати. Синоќа татко ми забележал уште два волка во близина на селото. По пожарите веројатно бараат како да се скријат, но поради оголените дрвја сега немаат каде“, вели Беќарски.

Според него, сега претстои опасност за добитокот поради што сточарите треба да направат сè за да го заштитат.

„Тоа мора да го направат, бидејќи волците се подготвени сè да нападнат, а со тоа и да направат голема штета“, додаде Беќарски.